fbpx
منصة السيارات

تجربتي لسيارة شيري اريزو مميزات وعيوب

تجربتي لسيارة شيري اريزو مميزات وعيوب، في المقالة التاليه ننقل لكم تجارب محايدة ودون أدنى مسؤولية على موقع عين الخبر لملاك ومستخدمين سيارة للأريزو. وجميع التجارب المذكورة تعبر عن آراء شخصية لأصحابها وهي ليست بالضرورة. تعبر عن رأينا أو واقع السيارة أو وكيلها كما سنذكر لكم بنهاية المقالة مصدر هذه التجارب، ونبدأ مع أول تجربة.

شاهد ايضا: تجربتي مع سيارة نيسان اكس تريل مزايا وعيوب

تناول العديد من الأشخاص الحديث عن استخدامهم لسيارة حيث جاء قول أحدهم بخصوص تقيمه للسيارة قائلاً

عموما ، الموديل الجديد صار عليه تحسينات كثيره واخذوا بعين الاعتبار هذه النقطه. من ضمن الأشياء الأخرى بالسيارة شاشه واضحة وسريعه تدعم ميزة انعكاس شاشه الجوال لانظمة الاندرويد screen mirroring وكمان تدعم ميزة ال Apple car play لاجهزه ايفون. من الشاشه كمان اقدر اتحكم من خلالها في بعض أنظمة السيارة زي اضواء الليد النهاري اقدر اشغلها واطفيها، الكاميرات، أنظمة الصوت. شي متعلق بالصوت ان السيارة لمن تسرع يرفع معاك الصوت حق الراديو، تنبيه السيارة … الخ. بخصوص نظام الصوت فيها بصراحه اشوفه ممتاز مقارنه مع المنافسين، الصوت واضح ونقي وعندي كمان ميزة لتضخيم الصوت. لمن اشبك الجوال واتكلم الصوت ماشاء الله واضح حتى اللي يكلمني كمان يسمعني بشكل واضح.

فيها زينون عالي وواطي، ليد نهاري وزي ما زكرت مسبقاً اقدر اطفيه او اخليه شغال مع تشغيل السيارة من الشاشه ، كشافات الضباب تشتغل بشكل تلقائي عند المنعطفات، وكمان عند فتح الإشارة لمن تلف والسيارة تحت سرعه ٣٥ كلم.

حساسات أمامية وخلفية عدد ٨ حساسات، كاميرات ٣٦٠ درجة فيها ميزه لمن تشغل الإشارة علشان تلف والسيارة على السرعات المنخفضة تشتغل الكاميرا للجهة اللي راح تلف عليها علشان. من الريموت اقدر افتح كل النوافذ واغلقها. في شي كمان حلو فيها انك لو تركت فتحة البانوراما او احد النوافذ مفتوحة بمجرد انك تضغط زر البصمه تلقائياً راح يتقفل معاك كل شي لوحده، (وهذه ميزة كمان موجوده في اريزو ٦ والتيجو ٨).

الشاصيه حقها تم صناعته بالتعاون مع جاكور رانج روفر بحكم ان سياراتهم تصنع بمصانع شيري للسوق الصينية، يعطي ثبات وتحكم حتى على السرعات العالية. العزل الأرضي عندي جيد جدا، وافضل من المنافسين. ولاحظت كمان من تحت السيارة انها مرشوشة بمواد عازلة. الغطاء اللي فوق الكفرات كمان في عزل وتشوف انه من مادة خاصة بالعزل وما هي بلاستيك زي باقي السيارات. الماكينة ١.٥ تيربو، ١٤٥ حصان وعزم ٢١٠ نيوتن، والقير ٦ سرعات من نوع ثنائي التعشيق double-clutch . بخصوص القير اللي فهمته ان مطوري شركة شيري اخذوه وفككوه واستبدلوا قطع داخليه بقطع اخرى مقاومة للحرارة واعادوا برمجته علشان يتوافق مع سياراتهم ويتفادوا مشاكل هذا النوع من القير. بالنسبة لي اشوف القير مررره سلس و متجاوب. مراوح السيارة تشتغل لحالها لمن اطفي السيارة وتبقى فتره لو كانت السيارة تحتاج زي لمن تحي من مشوار طويل بوقت الظهر مثلاً. الملاحظة اللي واجهته، بسبب ثقل السيارة راح تلاحظ ان قومة السيارة شوي متأخرة او ما يسمى تيربوا لاج turbo lag والشي هاذا لاحظته في اغلب السيارات الاسيويه بعكس السيارات الاوروبيه (بالكاد تلاحظه). لكن اول ما يشبك التيربوا ماشاء الله السيارة تكون ولا اروع. عندي ميزه المساعده على صعود المرتفعات ، والنزول بشكل تلقائي. تانكي البنزين ٥٧ ليتر يمشي بالراحة مابين ٦٥٠ – ٨٠٠ كلم ، حسب الجو، داخل البلد او خارجها، طريقه السواقه. وقت الشتاء ماشاء الله مابين ٧٢٠ – ٨٠٠ كلم بالراحة. لكن اذا حرقت السيارة، زيها زي اي سياره اخرى راح تقل المسافة.

من ضمن مواصفات الأمان، والأمان بيد الله سبحانه وتعالى، ان السيارة تتحرك بصعوبة كأنك رافع الجلنط لو احد الابواب او الشنطه او كبوت السيارة مفتوح (غير التنبيهات اللي بالطبلون اللي تطلع).

كمان لو نقص البنزين (يعني ولعت لمبة البنزين) عزم السيارة يقل حتى اعبي البنزين (السبب حتى يحافظ على اكبر قدر من البنزين).

نفس الحكاية لأحد مميزات الأمان اذا احد الإطارات نقص الهواء فيه لدرجة انه يعطي تنبيه بالشاشة السيارة تقل عزمها لين ارجع اعبي هواء مره اخرى.

في كل التنبيهات اللي تتعلق بالامان التنبيه يطلع بالشاشة وكمان يطلع زي اضاءه محيطيه بالشاشة الوسطية للتنبيه ان في شي غلط. عندي بالشاشة الوسيطة خيار اول ما اضغط عليه يعطيني نوع التنبيه (بنزين، ضغط اطارات … الخ).

من ضمن الأشياء كمان ان الهوايات حقت المكيف تفتح تلقائيا اذا طفيت المكيف او السيارة والسبب ان اللي صمموا نظام التكييف من فريق BMW وعملوا حساب لو احد ترك او نسي طفل بالسيارة على الاقل يكون في منفس هواء له وما يختنق ويموت لاقدر الله.

وأيضاً من الأشياء المتعلقة بمكيف السيارة ان فيها نظام فلتره وتنقية الهواء ويبعد عن الركاب الروائح الكريهة والغير مرغوبة الليم

 

كما تناول مستخدم اخر الحديث عن مشكلات السيارة بقوله

مميزات السيارة كثيرة بس أحيانآ العيوب البسيطة الي فيها تزعلك شوي أنا المشاكل الي واجهتني المساعد اليمين والنتعة والتفتفة والطقة هادي المشكلة عند أغلب الشباب بس لازم لها حل لأنه جدآ مزعجة يمكن الأخ عمر حلها بتغيير حساس البنزين في الوكالة على حسب ماأفتكر والبنزين الصرفية جيدة نوعأ ما طبعآ بنزين ٩٥ أفضل لها أنا غيرته من فترة قريبة كعزم وأنظف وفيه صفير بسيط يطلع مع الدعسة لما تعبي ٩١ يروح لما تغير لل ٩٥ تكييفها جدآ بطل السيارة بشكل عام تعطيها تقييم من ٧ ل ٨ من ١٠

وأضاف مستخدم اخر لسيارة ايزو ٦ قولة

شاهد ايضا: تجربتي مع سيارة هيونداي بالسيد مميزات وعيوب

مساءالخير انا توي انتبه لبعض التعليقات ولكي وحاب اشارك بتجربتي للسياره طبعاً معي اريزو 6 ماشيه الان ٢٠٠٠ وكسور السياره فيه كذا ملاحظه وحبيت اذكرها للناس المقبله على الشراء اولها البنزين الي قد تناقشنا فيه من قبل الي هو السياره الافضل لها وتجنب مشاكل مالك الا ٩٥ طبعاً المكيف قد ذكرت اني لاحظت عليه اذا وقفت في زحمه او غيره يحتر ماستمر على برودته ولا يبرد يعني بشكل ممتاز الا اذا مشت السياره وذكرت قبل كذا وصورت لكم صوت الديكور الداخلي المزعج والان طلع صوت قربعه تحت السياره ولكن بمر الوكاله واشوف بعد وش ها الصوت طبعاً العزل فسياره جيد والرساوه جيد جداً هذا الي لاحظته في تجربتي الى الان وذكرته ابراء للذمه واسف على الاطاله

وذكر اخر تجربته قائلا

السلام عليكم بعطيكم تجربتي عن الاريزو 6 اعلى فئه.
السيارة اول ما استلمتها من ثالث يوم رحت للصيانه عشان كانت فيه حذفه بالموتر ووقتها كنت صراحه متنرفز مره..الصيانه تعاملهم سيئ وبطيء جدا والاخير صلحوها لاكن بعد تقريبا ٤ ساعات وبعد تحويلي الي اسوزو عشان الحذفه…وبعدها طلعت لي مشكله فالاوتو هولد يطلع صوت غريب والسيارة تنتع بشكل خفيف جدا وهاذا الشي نادر ما يحصل لي .توجهت للصيانه وركب معاي حق الصيانه ابي اوريه المشكله ما جت معاي المشكله وهو راكب معاي بحكم انها نادره قالي مقدر اصلح شي ما اشوفه خربان…وجت بعد مشكله ثانيه الي هي النتعه على سرعات خفيفه لكن قالو لي عشانه تيربو والمكينه صغيرة قلت م فيه مشكله …خلصنا من الصيانه..
الملاحظات الي على السيارة..
١-العزل الارضي والعزل بشكل عام اشوفه سيىء الى مقبول
٢-فيه اصوات خفيفه بالديكور
٣-الكفرات قاسيه جدا
٤-تسمع صوت المكينه بشكل خفيف اذا دعست
….
ننتقل الي الإيجابيات
١-الديكور الداخلي تصميم ممميز جدا وما تلقى مثل هاذا التصيمم الي بالسيارات الفاخرة
٢-الاربع كميرات ٣٦٠ درجه تريحك جدا
٣-والجلنط الزر يريحك
٤-الاوتو هولد برضو مريح
٥-الساعه الذكيه شكله حلو وتغنيك عن المفتاح
٦-المقاعد جلد ومريحه
مواصفاته كثيرة جدا ومميزة وتصميمه مره مميز. لاكن الجوده مقبوله

لكل المقبلين عالاريزو اعرف ان تقريبا ٤٠٪؜ فالميه راح تواجهك مشكله لكن لا تنقهر او تكرهه السيارة (مثل ما صار معي) لان المشاكل كلها بسيطه واذا رحت للصيانه بيصلحونها بأذن الله لكن مثل ما قلت تعاملهم بارد وبطيء جدا.. ..الصيانه تعاملهم سيئ الي مقبول ولا تهتم بكلام ما قبل الشراء.لان بعد الشراء راح يتغير كل شي بتجرب الصيانه وتعرف ان كلامهم قبل الشراء كذب..ولكن السيارة بكل امانه من ناحيه المواصفات دلع وتصميم الداخليه والخارجيه برضو حلو ومستحيل تلقي نفس هاذي المواصفات ب هاذا السعر..
وفيه سليبه من ناحيه الصيانه ..مراكز الصيانه في الرياض فقط اثنين انا اذا جيت بروح لهم اخذ تقريبا ٤٠ دقيقه..يعني لازم تاخذ بعين الاعتبار ان مراكز الصيانه تقدر تروح لها بدون ما تكون بعيدة..
وهاذي تجربتي واتمني اني افدكم

مميزات سيارة لأريزو ٦

  • جلد
  • فتحة بانوراما
  • ٦ ايرباقات (حتى بالكراسي كمان فيها airbags)
  • مكيف ماشاء الله بارد
  • تحكم مستقل للراكب والسائق
  • الكراسي من تصميم فريق BMW، جدا جدا مريحه ماشاء الله اسوق فيها مسافات بالساعات وما تحس بتعب مو زي بقية المنافسين لاني مجرب اكثر من سياره بفئتها.
  • سعر السياره مقبول
  • صرفية البنزين فيها اقل بحيث ان اللتر في الاريزو يمشي ١٧ كيلو لكن GA4 اللتر يمشي تقريبا ١٥.٦ كيلو
  • شكل الاريزو اجمل بالنسبة لي وفيها مميزات اكثر لكن GA4 اكبر وأوسع من الاريزو بشكل بسيط

مميزات سيارة اريزو ٢٠١٩

1/ طبعاً الشكل الخارجي جميله جداً والداخليه المراتب جلد ولون احمر واسود معطي السياره فخامه ع سبورت.
2/ التكييف ممتاز.
3/ السماعات راااائعه صوت استديو وعاااالي.
4/ شاشة السياره رائعه ومميزاتها تعمل مع جوالات الايفون افضل من الاندرويد.
5/شنطة السياره انها تنفتح وتصير هاتشباك مره عجبتني فادتني في تحميل الاغراض الكبيره واذا ماحتجتها اقفلها.
6/ رغم ان بنزينها احمر لكن اشوف توفيرها ممتاز.
7/مواصفات السياره مقارنه بسعرها خياااال.

عيوب سيارة اريزو ٢٠١٩

١/ عزل السياره جداً سيء عزل الهواء والعزل الارضي

2/ السياره في السرعات المنخفضه اقل من 20 تقوم تفل مدري وش تسمونها يالشباب يعني لما اكون بوسط زحمه وامشي شوي شوي ادعس وامسك فرامل السياره تهز كن احد يصدمني من ورا

3/ اصوات في الديكور لما تكون السياره واقفه بشمس فتره طويله وشغلت المكيف الديكور يطقطق كن فيه شي قاعد يتكسر واختفت هذي الاصوات بعد ماصرت اوقفها بظل.

كما اضاف اخر قوله عن عيوب السيارة

تم استلام السيارة الثلاثاء بتاريخ 10 ديسمبر 2019 ولما سقتها لاحظت مشاكل كثيرة على السيارة

1 – السيارة تحذف على اليسار حذفة لازم لما امشي اعدل الدركسون على اليمين

2 – السيارة يوجد بها رجة عند الوقوف ورجة قوية عند المشي

3 – صوت طقطقة من المكينة

4 – عند المشي بسرعة منخفضة السيارة تنتع

5 – لما اشيل رجلي عن دواسة البنزين اكرمكم الله السيارة تنتع

6 – صوت الكفرات والمساعدات والشارع واضح جدا

7 – المراية الدخلية مخلخلة يبالها ربط

8 – النيكل الي في الشنطة مفكوك يباله غراء

9 – كرسي الراكب والسائق ماتتحرك الا بالمضاربة اتوقع يبالها تشحيم

هذي تجربتي وحاليا رافع عليهم بلاغ في وزارة التجارة ونشوف اش يصير معهم حاولت اتواصل مع الشركة لكن شغالين نظام تصريف

مع العلم اني حبيت السيارة كا شكل ومواصفات بس مااتوقعت تكون بهذه الكمية من المشاكل من المدح الي قراتو عنها

كما تناول احد المستخدمين الحديث عن تجربته للسيارة من حيث استهلاك البنزين

السلام عليكم ورحمة الله وبركاته
حبيت احكيلكم تجربتي باستهلاك البنزين بعد ممشا ١٥ الف كيلو بنزين ٩٥ داخل المدينة الا حوالي ١٠٠٠ كيلو خط إلى المدينة المنورة ولاني بسجل جميع مصروفاتي الشخصية ومن ضمنها بنزين السيارة فاجمالي ما تم انفاقه على البنزين ٢٨٨٧ ريال يعني الريال يمشيك 5.2 كيلو يعني الليتر الواحد بنزين ٩٥ يمشيك 12.1 كيلو داخل المدينة وانا دعستي قريبة إلى الخفيفة
لعل تفيدكم المعلومة أو تفيد اللي ناوي يشتري السيارة

وأضاف اخر تجربته بخصوص استهلاك البنزين قائلا

 

حاب اشاركم تجربتي عن صرفية البنزين مع الاريزو 6

المشوار كان مسافة 550 كلم للذهاب ومثلها للعودة

في الذهاب كان بداية الطريق مافيها كاميرات ساهر وكنت امشي 160 لاحظت أن صرف البنزين عالي لدرجة أني اضطريت اعبي بنزين مرة ثانية

في العودة ثبت السرعة من البداية على 124 وكانت صرفية البنزين ممتازة ،،، زدت السرعة إلى 129 ونفس الشي محافظة على صرفية البنزين

علما اني وصلت وباقي بنزين يمشي 100 كلم

كما تناول مستخدم اخر بقوله

السلام عليكم

شفت نقاش بخصوص البانزين حبيت اشارككم تجربتي

اسخدامي خطوط و مدينه بالنسبه للخط على سرعه ١٢٠ الاستهلاك ٧ لتر

و سرعه ١٤٠ و كسور الاستهلاك 8.0

و بالنسبه استخدامها داخل المدينه تجلس معي اسبوع

و لاحظت اكثر شي يستهلك بانزين الوقوف الطويل كنت اوقف بالساعه و يرتفع الاستهلاك و تركت هذي العاده

وأضاف مستخدم اخر قوله

جربت الثنتين صراحه صرفية البنزين قريبات من بعض جدا الفرق لصالح الاريزو مع فرق ماهو ملحوظ مره الا اللي يدقق مره مع ان الاريزو اصغر تانكي من الايدو
الايدو عزمها ميت مايحمسك تدعس حتى لو زدت شوي برضو مو زي دعسة سياره تيربو اقوا ويمشي الموتر معاك فعلا تتفوق الايدو بالرادار بينما الاريزو بداخليه ومواصفات اجمل كار بلي صراحه الحاله ممتاز جدا عكس الايدو تعكس شاشة الجوال بس فيه بطء شوي ولايربط الا اندر ويد كاميرا ٣٦٠ الاضاءه الخارجيه الاريزو ليدها قوي وممتاز العزل برضو قريبات من بعض جدا ارقام نفس ارقام الضوضاء عطتني كلها ٦٧ ديسيبل على سرعة ١٢٠ وعلى حسب اتجاه الهوا علما ان كفرات الاريزو زفت وظالمه السياره تجربتي باذن الله بعد ما اغير الكفر واحكم
هدوء المحرك الاريزو تفوق وبقوه عن الايدو شي جميل هدوء محركها

واخيرا اضاف مستخدم اخر عن استهلاك الوقود قائلا

احنا هذي مشكلتنا نصدق شعارات الشركات أنا استأجرت ايدو من نجران أخذتها فل وصلتني الافلاج ومعدل ممشاي ١٦٠ وزود وانت عارف سيارة الإيجار مستهلكه ولا ارحمها كيف لو كانت جديده مشتني ٦٠٠ كلم بالراحة علما ان سيارتي اريزو افلل من نجران بالملعنه توصلني السليل ٤٢٠ كلم وأنا اداريها هذا غير الراحه والليونه والنعومه والطراوه أنا اتكلم عن الاساسيات شاشة الايدو فيها تقنية اكثر يكفيك تتحكم بكامل السيارة منها وتربطها واي فاي والملاحه ممتازة غير الرادار ريحني بشكل كبير . هذا الي لاحظته بحكم تجربتي وابقا اقول رأيي الشخصي لايجيني احد متعصب لشركه معينه ويقول لي مكتوب كذا وكذا الي وده يقدم شي يقدمه من واقع تجربه

فيديو تجربة سيارة اريزو

مقالات ذات صلة

اهلا وسهلا بكم ،، فضلاً اترك تعليقك او استفسارك هنا،