fbpx
منصة السيارات

تجارب سيارة شانجان هنتر مزايا وعيوب

تجارب سيارة شانجان هنتر مزايا وعيوب، حيث تختلف الاراء المتعلقة بسيارة شانجان هنتر وذلك بناء على الاستخدام المتعلق بها وفي هذا المقال سنتناول تلك الاراء على النحو التالي

IMG 20220712 121819 565 - تجارب سيارة شانجان هنتر مزايا وعيوب

صاحب التجربة الأولى أفاد بأن السياره لها مميزات وعيوب على النحو التالي

وعليكم السلام

الموتر كفو ويعزويك كقياده واستخدام

لكن ذاربه بعد فتره من الاستخدام تواجه مشكلة egr فقط اذا ماتم تنظيفه وعمل صيانه دوريه له كل ٢٠ او ٣٠ ألف كم

ومحلوله المشكله بإذن الله عند التشخيص العربي بالرياض حسب تجارب وإفادة الاعضاء الملاك

صاحب التجربة الثانيه للسيارة أفاد بخصوص السلبيات على النحو التالي

السلبيات من شخص لشخص ومن مستخدم لثاني تفرق مثلا بعض المستخدمين عندهم انها قاسيه مثلا انا بالنسبه لي مريحه مع العلم هذي ثاني بيك اب ديزل استخدمه يومي وجربت غيره تجربه فقط السياره الاولى الي كنت يوميا استخدما واروح واجي عليها دفندر ديزل وكانت قاسه حدها مقارنه بهذي

اما بالنسبه لمسألة اختيار شانجان هنتر فقد أفاد احد مستخدمي السيارة بالتالي:

لا والله في ناس عندها خير من الله ولكن هنتر خيار ممتاز بالنسبه لهم ، وفي ناس تقدر تشتري الهيلوكس و لكن فضل انه ياخذ ٢ هنتر بدل عنه ، و في ناس محتاره تشتري او ما تشتري و ينتظر الناس تشتريه و يسمع و يشوف و يتريث و بعدها شراه .

انا باقي لي ٣٠ الف بس و بإذن الله ماخذ لي واحد خلال ذا الشهرين اذا الله اراد . طبعا راح اخذ الستاندر بدون دبل ، لأني ماني في حاجة الدبل ولا باقي المميزات ، ولكن عشان توفير وبديل للصيني اللي عندي انكرف ٩ سنوات ، الله يكثر خيره ، (بك اب جنجو) موديل ٢٠١٢، قطع غيار امريكي و ياباني و كوري اركبها عليه و ما يقول شي او يطلب غيرها ، خرب عندي الدسك مع الكلتش و اخذت له حق ددسن و طبقته عليه ، و ايضا جاته صدمه بالواجهه و لكن وكيله قفل كل فروعه و باقي له فرع واحد ب جده (و اخذت له واجهة ددسن و ركبتها عليه ب ٨٠٠ ريال ) ربلات تحت و غيرها كنت امر محلات فورد و الاقيها و اركبها ، ومن ركبتها قبل ٤ سنوات ما طلب شي ، الحمدلله رب العالمين ربي مبارك فيها ، والله يطرح لكم البركه في مواتركم ، اللي له نية يشتري يستخير و يتكل بالله ، ترى السيارات توفيق من رب العالمين ، وعيالك اولى ب ريالك وفر ب جيبك قد ما تقدر ، ولا تضن ان باقي السيارات ما تخرب ومعصومه من الاعطال او العيوب ، ترى بالورشه يمروني ياباني و امريكي موديلات٢٠١٨ و ٢٠١٩ و ٢٠٢٠ و اغلب مشاكلهم تكون بعدم الصيانه الدوريه للسياره او عيوب فيهم خصوصا ماطور الدبل يعلق وياهم ، و كتمه بالسياره بسبب عدم غيارهم للفلاتر ، و شريط الديركسون اللي ما يمر اسبوع الا و يمرني واحد متعطل عنده ، و الموزع حق المكيف اللي كل يومين يمرني واحد يشتكي منه معلق ع النافذه.

تمنى من اللي يقرأ الرساله و متردد بالشراء يتكل بالله ، ولو يبي يستفسر عن اي شي بخصوص السياره ، الملاك ماراح يقصرون معه و بيوجهونه و يدلونه.

والسياره قابله للتعديل و التطوير مستقبلا للي يحب الترهيم . يمديه يركب اللي يبي عليها ، ويحولها. (السطر الأخير هذا لفئة مخصصه يعشقون التعديل).

 

اصحاب محلات قطع الغيار ، يمديهم يتوسعون من الآن . و فرصه لمشروع قطع غيار سيارات صينية (المتجر الصيني لقطع الغيار) وتبيع للكل مو شرط السيارات الصينيه فقط . تراه مشروع مربح جدا نسبة الربح فيه تصل الى ٨٠٠٪؜ وقد تتجاوز هذا الرقم ايضا ، (اتكلم من تجارب عندي بالورشه ) . اغلب المنتجات اللي تباع عندنا بالسوق صينية ، الاختلاف فقط بالكرتون ، ، ولعدة سيارات ، ليست حصر لسياره ب عينها .

عندي كلام واجد ابي اقوله و لكن اطلت بالحديث ف هالرساله اتمنى تقبل مروري و بإذن الله اللي شرى ما ندم و ماراح يندم ، واللي متعصب لغيره ، الله يرزقه بأحسن منه و يبارك له ب حلاله ، في خيارات كثيره و الغرض منها واحد .

كلهم حديد يمشون على ٤ تواير ، و ما هي شيك ب جيبك للي يسمع بهالكلمه لبعض السيارات ، تراها حديده ، سوالف الشريطيه هذي تسمعونها بالمعارض و الحراج .

اذا بعد ٥ سنوات جابت لي نصف قيمتها خير و بركه ، ع الاقل اخذتها ب رخيص ، .

غيرها بعد ٥ سنوات يبيعها ب ١٠٠ الف و ينسى انه شاريها ب ١٨٠ ، ، راح من سعرها ٨٠ الف موب شويه.

شوية تفكير … و ماراح تندم بأخذ القرار .

تحياتي للجميع .

التجربة المتعلقة بمسالة دبة التلوث AGR شانجان هنتر :

يا شباب ممكن احد يفيدني بخصوص الغاء الي جي ار الي عنده تفاصيل لاهنتو وين الورشه بالرياض و المبرمج وكم سعر الالغاء وارقام الورشه؟

دبة التلوث مختلفة عن الاي جي ار

دبة التلوث لها لمبة مكينة فيها علامة تعجب اذا ولعت تقدر تسوي تنظيف لها دبة التلوث مهم انك ما تهملها لانها اذا انسدت الكربون يكون محشور في الموتر.

الاي جي ار نظام تدوير الكربون وهو نظام غثيث مؤذي للمستخدم بشكل كبير حتى في الدول اللي ديزلها نظيف مثل استراليا حاطين غرامة للي يشيله لان الناس ما تبيه لكن بالديزل النظيف مشاكله اقل بكثير من اللي حاصل عندنا ومشكلته يوصخ المكينة وحساساته بسرعة تتوصخ ويتطلب زيت خاص ويتطلب تنظيف واثبت فشله عندنا واغلب الوكالات الغته مثل الباور اتوقع الدفعات الجديدة والتويوتا كان يلغيه مجاني

الشاهد ان الاي جي ار حق شانجان مصنوع بورشة حدادة ينسم وجهه بسرعة وفيه عيوب وغير المشاكل اللي سببها للشباب من ضعف عزم واتساخ حساسه وغيرها ولا احد قادر يشيله ولقينا ب١٨٠٠ ريال واحد يلغيه بس يبي موتر يجرب عليه نخليه كم يوم عنده بس السؤال ليش انا اروح ضحية تجارب بموتري غير ان الوكيل غير متعاون بهالموضوع ويدور الزلة عشان يطردك من الضمان

يعني تدفع ١٨٠٠ على مبرمج ما تدري عنه وخسرت ضمانك وكل هذا ما للمستخدم ذنب فيه

وذهب رأي متخصص عن AGR

الحاقا بما تم نشره سابقا عن الاي جي ار والغائه:

الحمدلله التجربة ناجحة ولله الحمد والسيارات تمام والبرمجة ممتازة ولم تظهر اي مشاكل جانبية او اخطاء تذكر بخصوص ذلك

الفوائد من الغائه كثيرة منها هدوء صوت المكينة ونشاطه وعدم لزوم تصنيف C3 بالزيوت فالتغيير ونظافة المكينة وبقاء الزيت بلونه الذهبي المعتاد فترة اطول واللي عنده مشكلة لمبة المكينة او تنسيم بوجه الاي جي ار وصوت تصفير كل هذا يروح

الشغل في هذا المركز احترافي ويتم الغاء الاي جي ار بمرحلتين الاولى حذف ملفه من الكمبيوتر وبعدها تركيب سدات وقفل الاي جي ار

المبرمج نفسه شغال على برمجه كامله للهنتر بما فيها الغاء دبة DPF لم تجهز حتى لحظة كتابة هالموضوع

راح يتم اضافة رقم و موقع المركز والتعامل يكون مباشر ما بين المالك و المركز وليس للقروب اي دخل بشكل مباشر او غير مباشر بذلك وبخصوص اي اسئلة اخرى تقدرون تتواصلون معه وهو يفيدكم بحكم خبرته بالغاء جميع انواع السيارات المستوردة من كوريا ديزل وغيرها وراح يفيدكم كثير

نتمنى منكم الدعاء فقط لجميع من ساهم في هذا العمل لخدمة الجميع وغامر بسيارته للتجربة لكي يتأكد من سلامة العمل وللتذكير من قام بهذا هم اشخاص مستخدمون مثلهم مثلكم

تنويه: القروب ليس له علاقة بما يقوم به المستخدم من تعديلات وتكون على مسؤوليته الشخصية

فترة التجربة كانت اسبوعين تم فحص السيارات خلالها بعناية وتغيير زيوتها لمرتين خلالها واستخدامها بظروف قاسية

(مركز التشخيص العربي بالرياض)

يمكنكم متابعة المزيد عن عالم السيارات من هنا

مقالات ذات صلة

اهلا وسهلا بكم ،، فضلاً اترك تعليقك او استفسارك هنا،