IMG 20211002 WA0115 - تجربتي مع سيارة نيسان اكس تريل مزايا وعيوب

تجربتي مع سيارة نيسان اكس تريل مزايا وعيوب

في المقالة التاليه ننقل لكم تجارب محايدة ودون أدنى مسؤولية على موقع عين الخبر لملاك ومستخدمين سيارة نيسان اكس تريل. وجميع التجارب المذكورة تعبر عن آراء شخصية لأصحابها وهي ليست بالضرورة. تعبر عن رأينا أو واقع السيارة أو وكيلها كما سنذكر لكم بنهاية المقالة مصدر هذه التجارب، ونبدأ مع أول تجربة.

 

تجربة استهلاك الوقود في سيارة نيسان اكستريل:

“بتكلم لكم عن تجربتي .. رحت للخبر والدمام مدينة كبيرة في كلّ يوم كنت أقطع مسافات فيها لمده 5 أيام تقريباً وعطاني العداد استهلاك الوقود لمن فضت تقريباً 600 كيلو أو أكثر بشوي.

ولمن عاد رجعت لمحافظتي صغيرة وبحكم أنها صغيرة فيها توقيف وتخفيف كثير وفيها مطبات يعني أخفف وادعس وهكذا كثير.

عطاني الاستهلاك القديم الي قلت لكم عنه الي هو 400 تقريباً وحولها. فأنا أشوف المسافات ولمن تمشي بالسيارة براحة بدون بريك ومطب ودعس وهالأشياء بتكون جداً ممتازة.

(تجربتي ونظرتي فقط لا أتكلم عن أيّ أحد أخر وأنا مالي خبرة بالسيارات أبد)”.

 

شاهد أيضاً: تجربتي مع سيارة كيا تيلورايد مزايا وعيوب.

 

سعر سيارة نيسان اكستريل 2021:

في البداية جاء الوصفُ على الشكل التالي:

(الحمدلله من ملاك نيسان اكس تريل 2020 استاندر دبل.

السيارة لها معاي شهر ومشيت عليها ٥٠٠٠ كيلو.. الحمدلله توفقت بالسيارة علماً قراري بشراءها حدث با٦قل من ٢٤ ساعة بعد ما انضممت بالقروب وقراءة الفهرس المثبت أعلاه.

السيارة ماكانت على البال حتى بنسبة ١ ٪؜، كنت ابحث عن سيارات أخرى من نفس الفئة بالسيدان.

لان المبلغ المالي المتوفر وقتها أستطيع اشتري (كامري /مازدا ٦) تقريباً // أو أعلى فئة أكبر مثل السنتافي و مستخدم على حسب المبلغ المالي اللي كان متوفر.

من ناحيةٍ أخرى، نيسان اكسل تريل ٢٠٢٠، السيارة جداً مناسبة لقيمتها وأفضل بأغلب المميزات.. شبابية و عائلية أيضاً مرتفعة ودبل خفيف يستفاد منه وقت الضرورة. ويهمني أكثر حمالة العفش متوفرة فيها..

 

شاهد أيضاً: تجربتي مع سيارة ام جي MG ميزات وعيوب.

 

عيوب نيسان تريل 2020:

في البداية، السلبيات اللي واجهتني.. فقط العزل واعتقد أنه جيد على سرعة ١٢٠ بدون المسجل. و١٤٠ مع الصوت الخفيف.. أيضاً النور.. النور يحتاج للتغير وأنا عادةً أفضل النور الأبيض الزنون..

المسجل حاليا ممتاز.. افكر اشتري شاشة مستقبلاً وموجودة بالغرابي عند محل مركز دقة وجداً ممتازة تدعم ابل واندرويد عند شخص يقال له رشيد.. عنده ٣ أنواع لكن مابحثت عنها بالتفصيل لوقت هذه الرسالة.. وبين ذلك توجد الشاشات وأفضلها عنده حتى.

تكون خارجة بمسافة ١ سم عن الديكور من الأعلى واعطاها منظر ويستفاد من هذا البروز أن يكون استاند للجوال أو الايباد.  ( إن شاء الله ازودكم بصورة مستقبلاً من احد الزملاء اشتراها وركبها من نفس المركز) من ١٠٠٠ ل ١٥٠٠ ريال يشمل التركيب.

التنجيد للمراتب والارضيات. متوفرة بجودة ممتازة إن كان قماشاً أو جلداً ومتوفر عند أغلب المحلات وخصوصاً الاسماعيل بمبلغ بين ٧٠٠ ريال ل ١٣٠٠ ريال. وخاصة بسيارة نيسان اكس تريل.

التظليل أو العازل الحراري لسا مابحثت عنه لكن ركبت واحد جودته جيد جداً من بعض المحلات.

الصيانة وما أدراك ما الصيانة، عملت صيانة ١٠٠٠ كيلو من نفس الوكالة (فقط تشيك كامل للسيارة وتربيط) وبساعة وحدة وخلصت اموري من عندهم..

صيانه ١٠ آلاف قيمتها ب ٤٠٠ ريال الآن عند الوكالة بترومين.. ممكن أعملها عندهم. وبعدها فقط اشتري زيوت من الخارج. والفلاتر من الوكالة أو من المعتمدين لبيع قطع غيار نيسان اكس تريل أفضل وأجود وأرخص.

ضمان السيارة ٣ سنوات. يعني أيّ مشكلة تواجه السيارة تزور الوكالة. ومالهم دخل اني غيرت عندهم أو لا.. بشرط اني أحافظ على تغيير الزيوت والفلاتر وبعض السؤال وقت التغيير.

الإضافات اللي باضيفها مستقبلاً إن شاء الله هي؛ شاشة مع الكاميرا الخلفية والكام داش. وحماية الوجهية. أنوار زنون. ممكن حساس لشنطة تفتح عن طريق الرجل. أيضاً محول ١٢ فولت ل٢٢٠ فولت ٢٠٠٠ واط مناسب للخروج بالبرد. يستفاد منه على الأقل قدر الضغط الكهربائي. وتركيب حمالة عفش أفضل أو تفصيل.

أبو فهد الحربي”.

 

نيسان تريل 2021 فل كامل:

يا أخوان أنا عندي فئة الفل مجرب السيارة الآن حدود سنتين السيارة رااائعة جداً بكل المقاييس صراحة. ولكن صرفية البنزين لا ما توصل هذا الرقم إلا إذا كنت ماسك خط منبسط ما فيه أيّ طلوع ولا في رياح وسرعتك ١٢٠ وأقل. وما تكون مشغل مثبت السرعة المتوسط لها ٤٧٠. ومن ناحية أخرى، ما تزيد غيرت نمط القيادة وصرت امشي وتراقب ضغط المكينة لا يزيد عن ٢. وما ادعس عشان تغيير النمر وامشي مع القير بعكس السي في تي ولكن الصرفية لا ما تنقص وأيضاً تعتبر ممتازة لسيارة جيب صغير بديل علماً بأن هذه السيارة ليس استخدام كرف أو ضغط هذه تجربتي وسلامتكم حبايب.

 

نيسان اكس تريل 2016:

” حياك الله أخي الكريم اكلمك عن تجربتي معي موديل ٢٠١٦ ماشي إلى الآن ١٧٠ ألف ولله الحمد ماواجهت شي يكرهني بالسياره من ناحية الآداء. وكذلك الأعطال فيه العزل شوي لك عليه وذلك ماوقف على نيسان اكس تريل تقدر تقول أغلب منافسيه من نفس الفئه مثل عزله. وأما القطع الاستهلاكيه جداً أسعارها معقولة وفي متناول اليد وبالنسبه للقير جداً سلس. والموتر فيه حيل شايل نفسه بس برظه أي سياره يبغالها مراعاه بالصيانه الدوريه وتغيير الزيوت في أوقاتها وكذلك بالاستخدام أي سياره بتعيش معك “.

 

التجربة الرابعة لسيارة نيسان اكس تريل:

في البداية من باب الدين النصيحه وحبيت أشارككم تجربتي نيسان اكستريل 2018 استاندر.

رحت بيها من الرياض إلى مكه ٩٠٠ كيلو تقريباً، ورجعت بيها نفس الخط من مكة المكرمة إلى الرياض.

السيارة بفضل الله ممتازة ومريحه في السفر.

 

المميزات:

  • الثبات والرساوة.
  • اقتصاد الوقود والمكيف ما شاء الله ثلج.
  • المساحه الرحبه والواسعه ومثبت السرعه ما شاء الله.

العيوب :

عزل الهواء والصوت شوية واصل، السياره طلعة الرياض العزم شويه ضعيف، أتمنى أكون افدتكم ولو بشيء بسيط.

 

نيسان اكس تريل 2021 حراج:

بالتأكيد، حبيت أنقل لكم تجربتي للسيارة الآن كملت تقريباً خمس أيام وهي معي صحيح ممكن تكون مدة غير كافية للحكم على السيارة. ولكن، لأني طلعت عليها عقبة الصماء جنوب المملكة تعتبر من أصعب عقبات المملكة ومسكت عليها خط أكثر من 300 كيلو ف قدرت أكوّن انطباعي الشخصي عليها. بالنسبة للقير السي في تي وأنا أشوف أكثر الناس تدخل هنا تسأل عنه القير جداً جداً جداً متناسق مع محرك السيارة بغض النظر عن الصوت المرتفع لأنه طبيعي هو تصميمه كذا وفوق هذا السيارة 4 سرندل.

أجمل ميزة ف القير أنك تحس أن السيارة نشيطة في كلّ موقف تحتاجها تحس أنها تلبي رغبتك بالملي فالقيادة ومن بعد سرعة 40 أو 60. والله ما كأنك تسوق سيارة 4 سرندل فعلياً تعطيك شعور أنها أكبر من 4 سرندل. خصوصاً لما تتجاوز سيارة في خط سفر وطريق غير مزدوج فلما تدعس تحس أن السيارة تقولك أبشر والله ماطلبت إلا عزك وتدزز ماشاء الله للأمانة. ياخوان طحت في غرام هالقير والسيارة بشكل عام جميله جداً صحيح فيها ملاحظات ولكن مميزاتها تغطي على عيوبها وما راح أحد يستوعب إلا لما يستخدم.

لأني أنا فعلاً كنت متردد قبل ما اشتري السيارة خصوصاً أن سيارتي السابقة تاهو ١٧. فَ لكم أن تتخيلون النقلة النوعية بين السيارتين لكن الحمد لله الاكستريل دخلت قلبي من اوسع ابوابه. والله يبارك لنا ولكم ويعطينا خيرها ويكفينا من شرها وف النهاية هذي تجربتي الشخصية آسف عالاطالة.

 

التجربة السادسة لسيارة نيسان اكس تريل:

أنقل تجربتي للفائدة خلال رحلتي من الرياض إلى الجبيل والعودة ظهرت مشكلتين غريبتين. وانحلت الفكرة أن أحياناً تظهر مشاكل وتظن أن السيارة محتاجة ورش. والموضوع محتاج فقط تجارب بسيطة مثل توقف، إعادة تحريك، تشييك بسيط، بالمجمل ممكن نسميه استخدام العقل والتفكير بشكلٍ منطقي كَ حل أولي.

  • المشكلة الأولى:

أثناء الذهاب، واجهت عاصفة شديدة لمدة نصف ساعة تقريباً وفجأة شفت هواء المكيف ما يدفع داخل المقصورة وارتفعت درجة حرارة المقصوة.

رفعت مروحة المكيف للأخير وبالكاد كان يطلع هواء مع أن صوت دفع الهواء قوي جداً لكن كأنه مكتوم ويروح مكان أخر. وحاولت أغير المخارج أمامي وخلفي وفوق وتحت والغيت التهوية وفعلتها ولكن بدون نتيجة.

أول ما وصلت الجبيل خرجت فلتر المكيف ولقيته مضغوط شوي من الجانبين (وكأن الضغط من الجانبين خلاه ما يمرر الهواء).
بشكلٍ مريح، طبعاً أنا كنت مطلعة من قبل للتنظيف قبل التحرك من الرياض ويمكن ركبته بشكلٍ غير مضبوط وأتوقع هذا كان سبب المشكلة والحمدلله رجع كما كان وكملت مشواري ورجعت الرياض والأمور طبيعية.

  • المشكلة الثانية: أثناء العودة إلى الرياض كانت العاصفة شديدة جداً والسافي قوي واستمرت العواصف لمدة أربع ساعات متواصلة.
    الحاصل إني قبل نهاية طريق العواصف بشوي شفت محطة وأنا على مسافة 1 كم وكنت على سرعة 140 واضطريت اضغط فرامل بقوة نوعاً ما عشان أقدر أوقف في المحطة.
    المفاجأة لمن طلعت من المحطة بدأت اسمع رجة للسيارة بعد سرعة 80 كم وعند سرعة 100 كم أصبحت لا تطاق.
    هديت السرعة ومشيت على 80 كم حتى وصلت أول موقف، شيكت على صواميل الكفرات وكلها مضبوطة
    فتوقعت أن في رمل انزلق وتراكم حوالين الكفرات بسبب الفرملة القوية فسويت دوران على شكل 8 بالسيارة بحيث الدركسون يتلف إلى أقصى مدى ممكن يميناً ويساراً على أمل أن أتخلص من الرمال.

من ناحية أخرى، حركت بالسيارة على الجير العادي حتى وصلت إلى الجير 6 والسرعة 120 والموضوع ماشاء الله رجع طبيعي وكأن شيئا لم يكن.

هدأت السرعة تدريجياً وحولت على الأوتو وواصلت طريقي بشكل اعتيادي.

 

درس آخر تعلمته:

من رحلة العاصفة هذه، اللي يبغى يحافظ على سيارته لا يسرع زيادة أثناء العواصف.

بالتأكيد المشي 140 العادي بالكاد يوصل الار بي ام إلى 3 لكن مع العاصفة كان الار بي ام يوصل الى 4 وكأنك تقود على سرعة 160. هذا عدم لي الكروم الأمامي وأصبح باهت بالإضافة إلى عدسة الكاميرا الأمامية انعدمت تماماً.

كان الافضل لي أثناء العواصف مراقبة الار بي ام وتخفيض السرعة كلما ارتفع عن الوضع الطبيعي حتى أحافظ على السيارة والحمدلله اني مسوي حماية فيلم للواجهة الأمامية. والكبوت بالكامل وبقية السيارة نانو وهذه ما ندمت عليها وحسيت قيمتها في العاصفة.

الكاميرا ركبتها مؤخراً ونسيت اسوي لها حماية المضحك اني كنت اشوف جيوب كبيرة مثل باترول واللاند ماشيين على سرعات بين 100 – 120 في العاصفة. واتجاوزهم على سرعة 140 وأقول في نفسهم مالهم خايفيين من العاصفة وطلع إنهم فاهمين أحسن مني في الحفاظ على السيارة.

غير ذلك، كانت القيادة أثناء الرياح على سرعات عالية تحس أنك بتفقد الدركسون. بينما كانت العاصفة  صباح الخميس 17-6-2021 والسيارة لسه جديدة ما عدت 4000 كم وهذه أول طلعة خط بيها.

 

التجربة السابعة لسيارة نيسان اكس تريل:

اليوم أول مره امسك خط من القصيم للرياض.. درجة الحرارة ٤٦ الساعه ٦. والسرعة ١٤٨.

البنزين وصلني للنص لين مدخل الرياض يعتبر شيء جميل مع التكيف العالي والحموله.

 

الايجابيات والسلبيات :

  1. سقف البانوراما حااار جداً احسه عند راسي واتحسسه وملاحظ حرارته لكن مافيه إزعاج بس صوت هواء خفيف. وداخل المدينة يعتبر ممتازه البانوراما ما لاحظت حرارته رغم اني اوقفه بالشموس.
  2. الرساوه لابأس به وأفضل من سياراتي اللي قبل السيدان مثل هوندا ٢٠٠٩ وهوندا ٢٠١٧.
  3.  الدركسون ضروري الحرص عليه لأنه يحذف بسهوله.
  4. تحميل العفش ممتاز جداً بكامل الشنطه بدون فتح المرتبه الثالثه. بينما كان معي ٣ شنط شنطه حجم كبير حجم وسط حجم صغير وعربيه كبيره للطفل مع مقعد وعزبه وفرشه صغيره.
  5.  العزل أعطيه ٨ من ١٠ ماشوف فرق إلا شيء بسيط عن السيدان والنسيان اكس تريل تتفوق.
  6. عزم السيارة جيدة جداً بعد ال٦٠ قويه تبارك الله طبعاً للي متعود ع ٤ سلندر.
  7. التكييف تبارك الله عال العاال.

هذي تجربتي بعد امتلاكي للاكس تريل لمدة شهر وعليه وممشى ٢٥٠٠ وأعتذر ع الاطاله.

 

التجربة الثامنة لسيارة نيسان اكس تريل:

تجربتي للرحلة اليوم عزم المكينة ماشاء الله كل مازد قالت زيد تسارعها من ١٢٠ إلى ١٨٠ رهيب ما يخليك تحتاج تضغط على المحرك بقوه نص دعسه بس.

القير بصراحه ماتحس بتبديلاته أبد حتى لو نزلت نمره ما تحس فيها. على سبيل المثال، صوت الهوى الي الكل يشتكي مقبول نوعاً ما بس مع المسجل تنسى الصوت.

ومع ذلك، عندي شي تفاجئت فيه في تثبيت السرعه إذا فكيت التثبيت وبغيت ترجع تثبتها على نفس السرعه. التسارع يخوفك فجأه السياره تعطي بور مو طبيعي حتى لو المسافه قليله مثل باقي 5 أو 8 وتوصل للسرعه المحدده فزتها مالها داعي مشكله مع العج الاهتزاز قوي.

بصراحه انبهرت في أدائها.

المراتب يكسر الظهر الحمد لله مافي اصوات الإطارات داخل السياره مثل ما البعض اشتكى.

 

تجربة استهلاك الوقود الثانية لسيارة نيسان اكس تريل:

بعطيك تجربتي بالنسبه لصرفية البنزين لنيسان اكس تريل ممكن تختلف من شخص لأخر عن نفسي أقل رقم إلى أن تولع اللمبه ٦٠٠ كيلو داخل البلد.

طبعاً في وقتنا الحالي الصيف أما الشتاء توصل ل ٧٠٠ كيلو وأحياناً أكثر أما الخط في وقتنا الحالي على ممشا ١٣٠ بالتأكيد، مثبت السرعه يمشيني ٧٠٠ كيلو طبعاً ممشا فعلي وليست قراءة العداد.

وفي الشتاء تقل الصرفية سواء داخل البلد أو خط والتعبئة أول ما تولع اللمبه تكون من ٥٨ إلى ٦٠ لتر فيه فرقق أول ما تولع اللمبه أو يصفر التانكي أنا ما احب امشي كثير بعد أن تولع اللمبه بس بعد ماتولع بيمشيك تقريباً من ٨٠ الى ١٠٠ كيلو.

 

تجربة استهلاك الوقود الثالثة لسيارة نيسان اكس تريل:

الأهم من ذلك كله، أول ماتولع اللمبه أعبي ٥٦ لتر وامشي فيه داخل البلد من ٦٠٠ إلى ٦٥٠ كيلو مع الأجواء الحاره وفي الشتا كان يمشيني من ٧٠٠ إلى ٧٥٠ كيلو.  وفي السفر سافرت في الصيف كان في حدود ال ٦٥٠ كيلو على سرعات متفاوته من ١٢٠ إلى ١٤٠. هذي تجربتي مع الصرفيه وتزود الصرفيه شيء بسيط إذا تعديت ال٨٠٠٠ كيلو قبل تغيير الزيت. وطبعاً تعتمد الصرفيه على الدعسه البعض صحيح أنه مايتعدى ال ١٢٠ لكن في القومة يشد على السيارة الاربي أم يتعدا ال ٣ هكذا بيكون فيه صرفيه لكن إذا راعيت في القومة ما تتعدى ضغط ٢ أضمن ٦٥٠ كيلو بالراحه على ماتولع اللمبه.

 

تجربة استهلاك الوقود الرابعة لسيارة نيسان اكس تريل:

في الختام، آخر ثلاث تعبيات الي اذكر منها ٧٨ ومره ٨١ فل بعد التصفير واللمبة والعه.

من جهة أخرى، ٦٣٠ كيلو فعليه كانت مشاويري بين النماص إلى ابها. والخميس والمشي داخل المدينة بسرعة ٨٠ إلى ١٢٠ آخر تعبيه عطاني العداد ٦٩٠ مشغل نظام ايكو وفي الديرة إذا طلوع ونزول وعقبات صعبه ومتعبه ٥٠٠ بالكاد توفيها. وملاحظ الصرفيه حسب طبيعة الارض إذا تطعيس او طلوع عقبات زي المناطق الجنوبية تقل الكيلو مترات للعلم التانكي عندي صغير أتوقع ٥٠ إلى ٥٥ لأن السيارة استخدام أمريكي روق.

الي ملاحظ داخل المدينة في الرياض الصرفيه من ٥٢٠ الى ٦٠٠ في السفر من ٦٠٠ الى ٧٠٠ كرف وتطعيس. ومناطق صعبة وضعية اسبورت من ٤٩٠ الى ٥٢٠ هذي ملخص تجربتي ل ١٠ شهور ٢٠١٩.

 

في النهاية المصدر هو:

أعضاء مجموعة نيسان اكس تريل على التليقرام.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *