تجربتي مع سيارة هيونداي كونا مزايا وعيوب

ننقل لكم التجارب التالية بحيادية دون أدنى مسؤولية على موقع عين الخبر لملاك ومستخدمين سيارة هيونداي كونا. وجميع الآراء والتجارب المذكورة تعبر عن آراء شخصية لأصحابها وهي ليست بالضرورة تعبر عن رأينا. أو واقع السيارة أو وكيلها كما سنذكر لكم بنهاية المقاله مصدر هذه التجارب، ونبدأ مع أول تجربة.

 

هيونداي كونا:

تحدثنا مع عدد كبير من الأشخاص لمعرفة تجاربهم مع سيارة هيونداي كونا العصرية ووجودنا في أول تجربةٍ ما يلي:

“على سبيل المثال، رح أعطيكم تجربتي بالسيارة لرحلة الطايف أمس.

ومع ذلك، أول شي صرفية البنزين عبيت بنزين من جدة فل 95 ومسكت الخط للطائف مروراً بالهدا. ودخلت داخل الطائف وبعدها طلعت الشفا وجبل دكا وبعدها رجعت على جدة. المسافة المقطوعة كانت تقريباً 530 كيلو رايح جي عدد اللترات اللي انصرفت 31 لتر تقريباً نص التانكي وناقص منه شرطة.

بالتأكيد، أتكلم عن التماسك في المنعطفات الصراحة انصدمت من تماسك السيارة واستجابتها السريعة في المنعطفات خلال النزول والطلوع في منطقة الهدا والشفا. وهذا غير التماسك على الخط من جدة إلى الطائف.

والأهم من ذلك، العزم كان ممتاز والسيارة كانت خفيفة ما حسيت بثقل في الطلوع بالرغم من أنه مكينتها صغيرة وعدد الأحصنة قليل..

 

بعض العيوب التي واجهها:

من ناحيةٍ أخرى، كانت العيوب اللي واجهتها قساوة السيارة في المطبات والشوراع اللي فيها تكسير بس القساوة هذي تدل على أنه مستوى التعليق فيها ممتاز ويعطيها تماسك عالي في الخطوط.

والعيب الثاني صوت إزعاج الخط في المناطق اللي الأسفلت فيها خشن بعكس المناطق اللي الأسفلت فيها ناعم..

تقييمي للسيارة الحقيقة يعتبر ممتاز ومو سيء من حيث الصرفية والتماسك على الخطوط والأداء والعزم.”

 

أسعار ومواصفات هيونداي كونا:

علاوةً على ذلك، السيارة جميلة ومواصفاتها حلوة بجميع فئاتها، أشوف أنا هيونداي كونا أفضل لأنها شبابية أكثر وأجمل.

بالنسبه لو عاد بي الزمن، أنا ماكانت من ضمن الاختيارات لكن بالاخير أخذتها لأنه مواصفاتها مقابل سعرها جميييل عكس غيرها من شركات الثانية.

بالإضافة إلى ذلك، من ناحيه القياده ممتعة جداً بتحبينها”

 

شاهد أيضاً: تجارب سيارة جيلي كولراي ميزات وعيوب.

 

تجربة هيونداي كونا:

في هذه التجربة سنذكر أهم المواصفات للسيارة وهي حسب الرأي الوارد لدينا:

“من تجربتي قيادتها ممتعة وسلسة بالملفات وسهلة بالمواقف. والعزل يعتبر وسط إذا شغلتي الاذاعة يغطي عليه وبالخط راسيه. ونسبه الاستهلاك بالنسبه لي ممتازه والخرابات أغلبها عيب مصنعي وتصلح علي الضمان فقط وكل شخص له رأيه. ممكن ماراح تناسبك أنها ضيقة أو ما تتسع لأهلك أو أنها موب مرتفعة مرة والأفضل تطلبي تجربة القيادة لأنه بالنهاية كلّ شخص وله تجربته ورأيه بالسيارة مثل الأنترا مستحيل أسوقها لأنه ماحبيتها ولا دخلت مزاجي لا تزعلون يا أهل الانترا وشوفي وش احتياجاتك وعلي أساسها قرري”.

 

كما وذكر أخرون من ناحيةٍ أخرى، “من تجربتي لسيارة هيونداي كونا السياره راسية.  ومناسبة للسفر وداخل المدينة بس واجهتني عيب مصنعي بالدركسون والآن بالمكينة والسيارة ماكملت معي السنة”، وهذا واحد من عيوبها.

 

هيونداي كونا 2020 المجدوعي:

( أنا ما صار عندي مجال أتكلم عن طريقة شراء سيارة طبعاً أنا الي الكونا أو المازدا من أول ما طلعت رخصه. وكان بداية القرار ولكن أنا من نوع المتردد ولكن عندي قناعه كل تأخيرة فيها خيره. المهم الي صار معاي أنا كان عندي مبلغ وهالمبلغ ما أقدر اكيش فيه سيارة ولا أبي آخذ مستعمله. رحت البنوك الي تتعامل مع المجدوعي الأهلي والراجحي.

واستقريت مع الراجحي وبدينا نخلص الأوراق البنكيه عشان ترسل الموافقة عشان أقدر أخذها مع العمل أنا غير عميله في البنوك هاذي في نسبة تمويل تختلف. رحت المجدوعي أخذ نظرة على السيارة وأشوف خصومات على وزارة الصحة وعلى خصم العيد الوطني.

طلع إن إذا أخذها أقساط تنحسب عليي بالقيمة المضافة، هذا بوكالة المجدوعي بالخصم وكاش تطلع ٨٨ ألف ونصف.

بالأقساط وبدفعة أو بدون تنحسب لك ٩٦.٥٦٠ الف.

وبين ذلك، اتواصل مع الأخ ايهاب عندنا بالقروب ما قصر إنسان طيب ويخدم ومحترم شكراً لك صرنا نبحث عن مكان يبيع أقساط بأقل. لقينا بالرياض بالأقساط الو اعلان ٩١ ألف.

والمعارض ٩٣ غير قيمة الشحن إلى الشرقيه كنا نشوف الحسبه مرة هذا ومرة هذا. لين قلنا تجي الموافقة عشان نتوكل على الله جيت كلمت الوالد الله يحفظه يارب أنا صار كذا وكذا. قال كيف تاخدينها من بره المنطقه ولا شحن يمكن يصير فيها شيق. قال يروح معاك الوكاله وأنا بشوف معارفي الي عندهم خبرة طبعاً طول الفتره ما أنام. ومحتاسه وأفكر ودي اعيش عشان مايكون عندي ضغوط الاقساط والفوائد الي بتطلع عليي.

جاء الوالد قال مشينا الوكاله وهذا الوقت طبعاً انتظر موافقة الراجحي. رحنا هناك قال أنتِ اتفرجي على سيارات وأنا بشوف رجال هنا.

 

كيف تم إصلاح الأمر؟

التقينا بالاخ علي الصويل من شركة راية للتمويل وكالة المجدوعي الفرع الرئيسي بالدمام ٩١ إنسان جداً محترم أخلاق مبتسم واضح وصريح. ويرد على الاستفسارات كلها وخدوم إلى حد وقت استلام السيارة وحتى بعدها قعدنا واتكلمنا عن الدفعه والأقساط واتفقنا على الحسبه وقلت له عن السياره والمواصفات طبعاً جدا ناسبني وحبيت المميزات حتى العيوب الي في الشركة هاذي طبعاً المميزات.

إن السياره تكون باسمك ماتحتاجي تفويض داخلي ولا خارجي، تقدري حتى تبيعيها خلاص هي لك حتى مفتاح السياره يعطونك اثنينهم.

القسط مناسب جداً لي بحسب الدفعة الي بتدفعيها (وما في شرط قيمة معينة من الدفعة).

ومع ذلك، نسبة الفوائد مو كبيرة، وإذا قدرتي تكيشيها أي وقت تسقط الفوائد المتبقيه.

وتحسب لك قيمة السيارة بالخصم الموجود + ربح الشركة فقط).

 

بعض العيوب الأخرى:

أنا تأمينها عليك بحكم سياره باسمك وأنا ما أشوفها عيب لأن قدرت أستفيد من الخصومات الي عندي وخصومات العيد الوطني. واختار الشركة الي ابغاها وقيمة التحمل أنا كنت محتارة ومترددة من طلعت رخصه سنتين هذا وهذا ولين استقريت على هيونداي كونا. لين خلصت الاوراق مع شركة راية للتمويل حسيت باب فرج انفتح ليي وربي كتب أن آخذ هالسيارة ادري طولت عليكم بس هاذي القصه والحمدالله على التوفيق. وربي يرزقكم مثلي مارزقني وادعولي أن ربي يحفظني ويعطيني خيرها ويبعد شرها.

شكراً لكم جميعاً.

أختكم فاطمة من الشرقية*.

 

شاهد أيضاً: تجربتي مع سيارة كيا تيلورايد مزايا وعيوب.

 

أسعار ومواصفات هيونداي كونا:

للتوضيح، نحنُ ننقل هذه التجارب عن آراء المستخدمين، وإليكم هذه التجربة الأخرى:

أشاركم تجربتي مع هيونداي كونا؛
اشتريت السيارة من معرض في الرياض وارد الناغي، والصيانة في الوعلان طبعاً عند صيانة ١٠ آلاف قلي البطارية ضعيفة. روحي فرع الصيانة الرئيسي يبدلها على الضمان في الفرع يقلي البطارية تاريخ إنتاجها ١٠ أشهر قبل انتاج السيارة، مبدلة بوحدة قديمة! ما نبدلها عالضمان، والسيارة وارد الناغي مانتحمل المسؤولية! كلمت شركة الناغي يقلي المفروض التاريخ إلى سنة قبل تاريخ السيارة عادي المفروض يبدلوها، وأصلاً أنتِ ماخدتها من معرض مو من عندنا!
رفعت بلاغ تجاري على الوعلان، بعد ٣ أسابيع يقولوا معاه حق مو مخالف!
في الاخر تعدد الوكلاء ما يجيب إلا وجع الراس، والتجارة ما منهم فايدة”.

 

هيونداي كونا 2021 فل كامل:

من ناحية تنفع للبنات أي وبقوة وأصلاً هي خلاص صارت سيارة معروفة أنها خاصة للبنات أما تجربتي لها هي زي ماقلت  سلسلة وممتعة في قيادتها.  شكلها الداخلي والخارجي جميل. عيبها الوحيد من وجهة نظري أن عزلها متوسط إلى ضعيف شوي.

 

هيونداي كونا بنزين:

* للأمانة جمييييييلة ومريحة ما تعبت مشيت فيها ٨ ساعات متواصلة فقط توقف للصلاة وتعبيئة البانزين. من ناحية صرفية البانزين جميلة عبيت فقط مرتين والثالثة أول مادخلت المدينة.

سرعتي كانت ١٤٠ وفي منتصف الطريق زدتها إلى ١٦٠،

أتوقع هذا اللي خلاها تحتاج بانزين للمرة الثالثة+ الطريق كان فيه هواء.

حرارة السيارة كانت جداً جميلة والتكيف كان رائع، وبين ذلك، سرعة استجابة الفرامل ما شاءالله جميلة.

صار لي موقف أنه صاحب شاحنة كان نعسان فالحمدلله تدراكت الموقف. والفرامل استجابت بسرعة.

للأمانة حبيتها اكثر جداً جداً ما شاءالله تبارك الله.

 

هنا نأتي إلى أبرز التجارب التي أوردناها لكم ونأمل أن نكون قد وفقنا في اختيار تجارب المستخدمين التي نقلناها لكم بحياديه كما كتبوها.

 

المصدر مجموعة ملاك جيلي كولراي بالتليقرام.